سۈرىيە ۋە ئىراقنىڭ شىمالىي رايونلىرىدا 4 تېررورچى بىر تەرەپ قىلىندى

تۈركىيە ئاۋازى رادىيوسى خەۋىرى: دۆلەت مۇداپىئە مىنىستىرلىقى تۈركىيە ئارمىيەسىنىڭ سۈرىيە ۋە ئىراقنىڭ شىمالىي رايونلىرىدىكى  تېررورىزمغا قارشى كۈرەش پائالىيەتلىرى ھەققىدە بايانات ئېلان قىلدى.

باياناتتا مۇنداق دېيىلدى:

«تېررورىزم ۋە تېررورچىلارغا ھېچقانداق بىر جايدا چىقىش يولى يوقتۇر. قەھرىمان قىسىملىرىمىز ‹فىرات قالقىنى› ھەربىي ھەرىكىتى ۋە ‹تىنچلىق بۇلىقى› ھەربىي ھەرىكىتى رايونلىرىدا بۆلگۈنچى تېررورلۇق تەشكىلاتى پ ك ك/ي پ گ ئەزاسى 3 تېررورچىنى، ‹پەنجە – قۇلۇپ› ھەربىي ھەرىكىتى  رايونىدا بۆلگۈنچى تېررورلۇق تەشكىلاتى پ ك ك ئەزاسى 1 تېررورچىنى بىر تەرەپ قىلدى. قەھرىمان قىسىملىرىمىزنىڭ  تېررورىزم ۋە تېررورچىلارغا قارشى كۈرىشى قەتئىي ئىرادە بىلەن كەسكىن داۋاملاشماقتا.»