erdoghan kabinét yighinida térrorluqqa qarshi küreshtiki qetiy iradini tekitlidi
türkiye jumhur reisi rejeb tayyib erdoghan yene bir qétim térrorluqqa qarshi küreshtiki qetiy iradilirini bildürdi.
türkiye awazi radiyosi xewiri: jumhur reis rejep tayyip erdoghan chankaya sariyidiki kabinét yighinidin kéyin xelqqe xitab qildi.
jumhur reis rejep tayyip erdoghan sözini milliy küreshning bash qomandani, jumhuriyetning qurghuchisi mustapa kamal atatürk wapatining 86-yilliqida, uni yene bir qétim rehmet bilen eslep bashlidi.
erdoghan sözide, térrorluqqa qarshi küreshtiki qetiy iradisini tekitlep: «térrorluq yoqalghan, bölgünchi teshkilatning qara sayisi siyaset we jemiyet üstidin pütünley ghayip bolghan, güllengen, tinch-xatirjem, shundaqla bixeter muhitni memlikitimiz boyiche choqum berpa qilimiz hemde mustehkemleymiz» dédi.
erdoghan türkiyening qendildiki térror xojayinliri qutritiwatqan qanliq we rezil ölüm qiltaqlirini pachaqlashta qetiy iradige ige ikenliklirini, buningdin hergizmu chékinmeydighanliqlirini tekitlidi.
