bügün erdoghanning riyasetchilikide jumhur reislik kabinéti yighini ötküzülidu
jumhur reis rejep tayyip erdoghanning riyasetchilikide bügün jumhur reislik kabinéti yighini chankaya sariyida ötküzülidu.
türkiye awazi radiyosi xewiri: jumhur reislik kabinéti yighini 10-noyabir atatürkni xatirilesh küni paaliyetliridin kéyin ötküzülidu.
jumhur reis erdoghan, ghazi mustapa kamal atatürkning wapat bolghanliqining 86 - yili munasiwiti bilen ötküzülidighan xatirilesh paaliyetliri dairiside, aldi bilen anitkabirni ziyaret qilidu. andin atatürk medeniyet, til we tarix aliy komitétining yéngi binasida ötküzülidighan xatirilesh murasimigha qatnishidu.
erdoghan chankaya sariyida atatürk muzéyining échish murasimidin kéyin, kabinét yighinigha riyasetchilik qilidu.
yighinda, amérika pirézidéntliq saylimining türkiye we rayongha bolghan tesirliri, jumhur reis erdoghanning qirghizistan we majaristan ziyaretliridiki diplomatik uchrishishliri we iqtisadning nöwettiki ehwali muhakime qilinishi mölcherlemekte.
yighinda yene israiliyening ghezze we liwangha qilghan hujumlirimu kün tertipige kirgüzülüshi kütülmekte.
