ئىراق ۋە سۈرىيەنىڭ شىمالىي رايونلىرىدا 16 تېررورچى بىر تەرەپ قىلىندى

تۈركىيە ئاۋازى رادىيوسى خەۋىرى: تۈركىيە دۆلەت مۇداپىئە مىنىستىرلىقى تۈركىيە ئارمىيەسىنىڭ ئىراق ۋە سۈرىيەنىڭ شىمالىي رايونلىرىدا داۋاملىشىۋاتقان تېررورىزمغا قارشى كۈرەش ھەرىكەتلىرى ھەققىدە بايانات ئېلان قىلدى.

باياناتتا تۈركىيە ئارمىيەسىنىڭ ئىراقنىڭ شىمالىدىكى گارا ۋە ھاقۇرۇق رايونلىرىدا بۆلگۈنچى تېررورلۇق تەشكىلاتى پ ك ك ئەزاسى 10 تېررورچىنىڭ، سۈرىيەنىڭ شىمالىدىكى «فىرات قالقىنى» ھەربىي ھەرىكىتى ۋە «زەيتۇن شېخى» ھەربىي ھەرىكىتى رايونلىرىدا بۆلگۈنچى تېررورلۇق تەشكىلاتى پ ك ك/ي پ گ ئەزاسى 6 تېررورچىنىڭ بىر تەرەپ قىلىنغانلىقى بىلدۈرۈلدى.

باياناتتا يەنە، قانداق بولۇشىدىن قەتئىينەزەر،  تېررورىزمغا قارشى كۈرەشنىڭ تاكى ئەڭ ئاخىرقى تېررورچى بىر تەرەپ قىلىنغانغا قەدەر قەتئىي ئىرادە بىلەن كەسكىن داۋاملىشىدىغانلىقى تەكىتلەندى.