erdoghan ezerbeyjanning zeper künini tebriklidi
dölitimiz (türkiye jumhuriyiti) jumhur reisi rejep tayyip erdoghan qarabagh ghelibisining tötinchi yilliqi munasiwiti bilen ezerbeyjanning zeper künini tebriklidi.
türkiye awazi radiyosi xewiri: jumhur reis erdoghan ammiwi ortaqlishish tor bétidiki sehipiside bayanat élan qilip, qarabagh ghelibisining tötinchi yilliqini cheksiz hayajan ilkide tentenilik tebriklewatqan qérindash dölet ezerbeyjan we ezerbeyjan xelqining zeper künini chin dilidin tebrikleydighanliqini bildürdi.
erdoghan bayanatida mundaq dédi:
«pirézidént ilham eliyéw qérindishimning rehberlikide 44 künlük weten urushini ghelibige érishtürgen ezerbeyjan armiyesining qehriman ezalirigha dölitim we xelqim namidin hörmet bilen salam yollaymen. isimlirini tarixqa sherep bilen yazdurghan eziz shéhitlirimizning hemmisini cheksiz iptixarliq tuyghusi ichide yad étimen, ularning yatqan yéri jennet bolghay. qarabaghning samalirida shanliq ezerbeyjan bayriqining lerzan lepildishi üchün éziz janlirini pida qilghan ashu qehrimanlarni cheksiz minnetdarliq tuyghusi ichide menggü yad étimiz.»
