ئەردوغان ترامپقا تېلېفون قىلىپ تەبرىكلىدى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى جۇمھۇر رەئىسلىك مەھكىمىسى ئۇچۇر – ئالاقە ئىشلىرى ئىدارىسى تەرىپىدىن ئېلان قىلىنغان باياناتتا كۆرسىتىلىشىچە، جۇمھۇر رەئىس رەجەپ تاييىپ ئەردوغان ئامېرىكا قوشما ئىشتاتلىرىدا ئۆتكۈزۈلگەن پىرېزىدېنتلىق سايلىمىدا غەلىبە قىلغان دونالد ترامپ بىلەن تېلېفوندا كۆرۈشكەن.

تېلېفون سۆھبىتىدە، ئەردوغان سايلام غەلىبىسى سەۋەبلىك ترامپنى تەبرىكلىگەن ھەمدە يېڭى باسقۇچتا تۈركىيە - ئامېرىكا مۇناسىۋەتلىرىنى تېخىمۇ ياخشىلاش ۋە ھەمكارلىقنى رىۋاجلاندۇرۇش تىلەكلىرىنى يەتكۈزگەن.