تۈركىيەنىڭ ب د ت دا تۇرۇشلۇق دائىمىي ۋەكىلى ئىسرائىلىيەگە نارازىلىق بىلدۈردى

تۈركىيە ئاۋازى رادىيوسى خەۋىرى: باش ئەلچى ئەھمەت يىلدىز  بىرلەشكەن دۆلەتلەر تەشكىلاتى ئومۇمىي كېڭىشى يىغىنىدا ئىسرائىلىيەنىڭ بىرلەشكەن دۆلەتلەر تەشكىلاتى يېقىن شەرقتىكى پەلەستىن مۇساپىرلىرىغا ياردەم بېرىش – خىزمەت ئىشلەش ئورگىنىغا قىلغان ھۇجۇملىرى مۇزاكىرە قىلىنغان ئولتۇرۇشتا سۆز قىلدى.

يىلدىز سۆزىدە، ئىسرائىلىيەنىڭ پەلەستىن مۇساپىرلىرىغا ياردەم بېرىش – خىزمەت ئىشلەش ئورگىنى خادىملىرى ۋە مۇئەسسەسەلىرىگە ھۇجۇم قىلىشىنى قوبۇل قىلغىلى بولمايدىغانلىقىنى،   تۈركىيەنىڭ ئىسرائىلىيەنىڭ ھۇجۇملىرىنى قاتتىق ئەيىبلەيدىغانلىقىنى تەكىتلەپ  مۇنداق دېدى:

«مەزكۇر ئورگانغا قىلىنغان ھۇجۇم بىرلەشكەن دۆلەتلەر تەشكىلاتى ئومۇمىي كېڭىشىغا قىلىنغان ھۇجۇم دەپ قارىلىشى كېرەك.

بىرلەشكەن دۆلەتلەر تەشكىلاتى يېقىن شەرقتىكى پەلەستىن مۇساپىرلىرىغا ياردەم بېرىش – خىزمەت ئىشلەش ئورگىنىنىڭ مەلۇم مەقسەتتە ۋە سىياسىي نىيەتتە ھۇجۇملارغا ئۇچرىشى قەتئىي يول قويغىلى بولمايدىغان ئىشتۇر.»