تۈركىيەدىن سېربىيەگە تەزىيە بىلدۈردى
تۈركىيە سېربىيەنىڭ نوۋىساد شەھىرىدىكى پويىز ئىستانسىسىنىڭ پېشايۋىنىنىڭ ئۆرۈلۈپ چۈشۈشى نەتىجىسىدە ھاياتىدىن ئايرىلغانلار ئۈچۈن تەزىيە باياناتى ئېلان قىلدى.
2205722
تۈركىيە ئاۋازى رادىيوسى خەۋىرى: تۈركىيە تاشقى ئىشلار مىنىستىرلىقى سېربىيەنىڭ نوۋىساد شەھىرىدىكى پويىز ئىستانسىسىنىڭ پېشايۋىنىنىڭ ئۆرۈلۈپ چۈشۈشى نەتىجىسىدە ھاياتىدىن ئايرىلغانلار ئۈچۈن تەزىيە باياناتى ئېلان قىلدى.
باياناتتا ئەنقەرەنىڭ نوۋىساد شەھىرىدە تۈنۈگۈن بىر پويىز ئىستانسىسىنىڭ پېشايۋىنىنىڭ ئۆرۈلۈپ چۈشۈشى نەتىجىسىدە ئادەم ئۆلۈش ۋە يارىلىنىش ئەھۋالى كۆرۈلگەنلىكىدىن تولىمۇ ئەپسۇسلانغان ھالدا خەۋەر تاپقانلىقى ئەسكەرتىلىپ مۇنداق دېيىلدى:
«سېربىيە خەلقىگە ۋە ھاياتىدىن ئايرىلغانلارنىڭ ئائىلىلىرىگە تەزىيە بىلدۈرىمىز.»
سېربىيەنىڭ نوۋىساد شەھىرىدىكى پويىز ئىستانسىسىنىڭ پېشايۋىنىنىڭ ئۆرۈلۈپ چۈشۈشى نەتىجىسىدە خارابىلىك ئاستىدا قالغانلاردىن 14 كىشى ھاياتىدىن ئايرىلغانىدى.
