ministir fidan jibutida ziyarette bolidu
dölitimiz (türkiye jumhuriyiti) tashqi ishlar ministiri xaqan fidan jibutida dölet ishliri ziyaritide bolidu.
türkiye awazi radiyosi xewiri: ministir fidan türkiye-afriqa hemkarliq munbiri tashqi ishlar ministirlirining 3 – nöwetlik közdin kechürüsh yighinigha qatnishish üchün jibutida ziyarette bolidu.
2-3-noyabir künliri ötküzülidighan yighinda, fidan afriqa bilen bolghan munasiwetlerning türkiyening tashqi siyasitining asasliridin birini teshkil qilidighanliqini otturigha qoyidu, türkiyening afriqada tinchliq we muqimliq berpa qilishqa töhpe qoshushni dawamlashturidighanliqini tekitleydu, afriqa elliri ittipaqining 20 dölet guruhigha toluq eza bolushini küchlük qollaydighanliqini ipadileydu.
fidan yene türkiyening afriqa döletlirining insaniy, ijtimaiy we iqtisadiy tereqqiyatigha töhpe qoshushni dawamlashturidighanliqinimu eskertidu.
yighinda türkiye - afriqa elliri ittipaqi otturisidiki hemkarliqni téximu kücheytish yolida tashlinidighan qedemler heqqide muzakire élip bérilidu.
yighin axirida «ortaq bayanname» we «2022-2024 - yilliq ortaq paaliyetler doklati» qatarliq muhim höjjetler maqullinidu.
