türkiye milliy istixbarat idarisi afriqada elqaide ezasini qolgha chüshürdi

türkiye awazi radiyosi xewiri: dölet xewpsizlik menbelirining bildürüshiche, türkiye istixbarat idarisi axbarat toplash paaliyetliri netijiside, térrorluq teshkilati elqaide ezasi ehmed bayqaraning süriyening idlib wilayitidiki türkiye qisimlirining herbiy bazilirigha we herbiy aptomobil etritige hujum qilghanliqini éniqlap chiqqan.

térrorchi ehmed bayqaraning türkiye istixbarat idarisining izigha chüshkenlikini bilgendin kéyin afriqagha qéchip ketkenliki éniqlap chiqilghan.

türkiye qisimlirigha qarshi élip bérilghan nurghun térrorluq heriketlirining pilanlighuchisi we ijrachisi bolghan bayqara, türkiye istixbarat idarisining axbarat toplash we xeter analiz qilish paaliyetliri netijiside bir afriqa dölitide tutulghan.

igilinishiche, térrorchi bayqara soraq jeryanida türkiye qisimlirigha qarshi térrorluq heriketlirini  élip barghanliqini iqrar qilghan, shundaqla türkiyediki nurghun sezgür nuqtilargha térrorluq hujumi qilish pilanliri  we özi bilen bille heriket qilghan kishilerning kimlikini ashkarilighan.