türkiye – shiwétsiye «bixeterlik méxanizmi» yighini chaqirilidu

türkiye awazi radiyosi xewiri: türkiye bilen shiwétsiye otturisida ötküzülidighan «bixeterlik méxanizmi» yighinigha, dölitimiz (türkiye jumhuriyiti) tashqi ishlar ministiri xaqan fidan bilen shiwétsiye tashqi ishlar ministiri mariya malmér sténérgard riyasetchilik qilidu.

türkiye tashqi ishlar ministirliqi menbelirining bildürüshiche, tunji qétim ötküzülidighan «bixeterlik méxanizmi» yighini, ikki dölet organliri ara  térrorizm mesililiride hemkarliqni kücheytish jehettin nahayiti zor ehmiyetke ige iken.

2023-yildiki shimaliy atlantik ehdi teshkilati-nato wilniyus bashliqlar yighini dairiside, dölitimiz (türkiye jumhuriyiti) jumhur reisi rejep tayyip erdoghan, shiwétsiye bash ministiri ulf kiristérson we nato bash katipi stolténbérgning ishtirak qilishida emelge ashurulghan uchrishishta,  türkiye bilen shiwétsiye otturisida ministirlar derijilik «bixeterlik méxanizmi» ornitish qarar qilinghanidi.

shiwétsiyening herqandaq shekildiki  térrorizmgha qarshi kürishi asasida, hemde 2022-yili 6-ayda imzalanghan üch terep kélishim dairiside «yol xeritisi» sizip chiqish toghruluq birdeklik hasil qilighanidi.

uchrishishlarda, mezkur yol xeritisige asasen,  térrorizmgha qarshi küreshni öz ichige alghan halda bixeterlik saheside hemkarliq ornitish mesilesi muzakire qilinidu. bolupmu bölgünchi térrorluq teshkilati p k k/p y d/y p g,  fethullahchi térrorluq teshkilatigha qarshi küresh dairiside qoshumche qedemlerni tashlash nishani heqqide özara pikir almashturulidu.

tashqi ishlar ministiri xaqan fidanning shiwétsiye tashqi ishlar ministiri bilen élip baridighan uchrishishlirida, ikki tereplik mesililer, rayonluq we xelqaraliq özgirishler toghriliqmu muzakire ötküzülidu.