fidan iyordaniyede ziyarette bolidu
dölitimiz (türkiye jumhuriyiti) tashqi ishlar ministiri xaqan fidan ete iordaniyege yétip bérip, islam hemkarliq teshkilati- ereb elliri ittipaqi ghezze alaqe guruppisi yighinigha qatnishidu.
türkiye awazi radiyosi xewiri: diplomatik menbelerdin igilinishiche, fidan ghezzede uzun muddetlik urush toxtitishni tézdin emelge ashurush meqsitide islam hemkarliq teshkilati - ereb elliri ittipaqi ghezze alaqe guruppisi dairiside uchrishishlirini dawamlashturmaqta iken.
alaqe guruppisi yighinida, «ghezzede dawamlishiwatqan irqiy qirghinchiliqni toxtitish, israiliye-pelestin toqunushini axirlashturush we ikki dölet hel qilish charisini yolgha qoyush üchün tashlinidighan qedemler» muzakire qilinidiken.
yighinda, ghezzege derhal we dawamliq insanperwerlik yardem buyumlirini yetküzüsh, bu jehette birleshken döletler teshkilati yéqin sherqtiki pelestin musapirlirigha yardem bérish – xizmet ishlesh orgini (UNRWA) ning xizmetlirini küchlük qollash mesilisi toghriliqmu özara pikir almashturulidiken.
ministir fidan amman yighinida pelestin dölitining birleshken döletler teshkilatigha toluq eza bolushi we téximu köp dölet teripidin étirap qilinishi üchün israiliye we bu teshebbusqa qarshi chiqiwatqan bashqa döletlerge qarita bésimni kücheytishning muhimliqini tekitleydiken, shundaqla xelqara edliye sot mehkimiside israiliyege qarshi échilghan irqiy qirghinchiliq sotigha téximu köp döletning arilishishi toghrisidiki chaqiriqini tekrarlaydiken.
islam hemkarliq teshkilati – ereb elliri ittipaqi ghezze alaqe guruppisigha eza döletler tashqi ishlar ministirlirining iyordaniye padishahi 2 - abdullah teripidin qobul qilinishi kütülmekte iken.
