sudan türkiye hökümiti we xelqige rexmet éytti

türkiye awazi radiyosi xewiri: sudan musteqilliq kéngishining bayanatigha asaslanghanda, malik aghar türkiyening xartumdiki bash elchisi fatih yildiz bilen sudan portidiki ishxanisida körüshken.

malik aghar uchrishiishta, türkiye hökümiti we xelqining urush jeryanida sudan xelqige qilghan yardimi we qollashliri üchün rehmet éytqan.

malik aghar türkiyening sudanni her sahede, bolupmu insanperwerlik jehettin qollash meydanini medhiyelep, munasiwetlerni ikki dölet xelqining menpeeti üchün xizmet qilidighan sewiyede kücheytip, herqaysi sahediki hemkarliqlarni dawamlashturushni xalaydighanliqini bildürgen.

bash elchi fatih yildiz bayanatida, aghar bilen sudanning omumiy weziyiti we urush sewebidin duch kelgen pewquladde sharaitning yükini yéniklitish üchün türkiyening sudan xelqige béreleydighan yardimi heqqide söhbetleshkenlikini bildürdi.

fatih yildiz türkiyening sudan bilen déhqanchiliq we kanchiliq sahesidiki hemkarliqlarni tereqqiy qildurushni xalaydighanliqini tekitlep, yéqin kelgüside medeniyet we soda munasiwetlirini ilgiri sürüsh we tereqqiy qildurush üchün tirishidighanliqini éytti.

fatih yildiz türkiyening sudan xelqi we hökümitige bolghan yardemni köpeytish üchün dawamliq tirishish iradisini tekitlidi.

bash elchi fatih yildiz buningdin bashqa yene, urush, kelkün we yuqumning tesirige uchrighanlargha yetküzülmekchi bolghan chédir, yémeklik we dora qachilanghan türkiye paraxotining pat yéqinda sudangha qarap yolgha chiqidighanliqini éytti.