ئەردوغان ياشلار بىلەن تېلېفوندا پاراڭلاشتى

تۈركىيە ئاۋازى رادىيوسى خەۋىرى: كوجىلىدا 9-سېنتەبىر كۈنى باشلانغان ۋە 17-سېنتەبىر كۈنى ئاخىرلىشىدىغان كىشىلىك ھوقۇق تەلىم - تەربىيە لاگىرى پىروگراممىسى مىنىستىرلار،  ئاخبارات ۋاستىلىرى مەنسۇپلىرى ۋە ئاكادېمىك مېھمانلارنىڭ قاتنىشىشى بىلەن داۋاملاشماقتا.

ئادالەت ۋە تەرەققىيات پارتىيەسىنىڭ مۇئاۋىن رەئىسى ھەمزە داغ، پىروگراممىنىڭ سوئال-جاۋاب قىسمىدا، ياشلارنىڭ تەلىپىگە بىنائەن جۇمھۇر رەئىس رەجەپ تاييىپ ئەردوغانغا تېلېفون قىلدى.

ئەردوغان ياشلارغا تېلېفوندا خىتاب قىلىپ: «سىلەر بىزنىڭ كېلەچىكىمىز ۋە ئۈمىدىمىز بولىسىلەر» دېدى.

ئەردوغان ياشلار بىلەن بولۇپمۇ تۈركىيەنى مىسلىسىز شەكىلدە قۇدرەت تاپقۇزۇشقا بولغان ئىشەنچىسىنىڭ كۈنسايىن كۈچىيىۋاتقانلىقىنى تەكىتلەپ مۇنداق دېدى:

«بىز ئىزدا توختاپ قالمايمىز، داۋاملىق تىرىشىمىز، ئوقۇيمىز، ئوقۇغانلىرىمىز ئارقىلىق پارلاق كېلەچەك بەرپا قىلىمىز. كەلگۈسى ئەۋلادلار سىلەرنىڭ بۈگۈن ئوقۇغانلىرىڭلار، بىزنىڭ ئويلىغانلىرىمىز بويىچە كېلەچەكنىڭ قۇدرەتلىك تۈركىيەسىنى تەرەققىياتنىڭ ئەڭ يۈكسەك سەۋىيەسىگە يەتكۈزىدۇ.»