ئىراقنىڭ شىمالىدا 19 تېررورچى بىر تەرەپ قىلىندى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى دۆلەت مۇداپىئە مىنىستىرلىقى تەرىپىدىن ئېلان قىلىنغان باياناتتا، ئىراقنىڭ شىمالىدا 7-سېنتەبىردىن 9-سېنتەبىرگىچە بولغان مەزگىلدە ئېلىپ بېرىلغان ھاۋا ھەرىكەتلىرى داۋامىدا  19 تېررورچىنىڭ بىر تەرەپ قىلىنغانلىقى ئەسكەرتىلىپ مۇنداق دېيىلدى:

«ئىراقنىڭ شىمالىدا 2024 - يىلى 7-سېنتەبىردىن 9-سېنتەبىرگىچە بولغان مەزگىلدە ئېلىپ بېرىلغان ھاۋا ھەرىكەتلىرى داۋامىدا، گارا رايونىدا 10، خاقۇرۇق رايونىدا 6، قەندىل رايونىدا 3 بولۇپ، جەمئىي 19 تېررورچى بىر تەرەپ قىلىندى. تېررورىزمنى ئۆز مەنبەسىدە ئۈزۈل - كېسىل يوقىتىش ئۈچۈن، زەربە بېرىش ھەرىكەتلىرىمىزنى مۆلچەرلىگىلى بولمايدىغان شەكىلدە، ئادەتتىن تاشقىرى دەرىجىدە، تېز ۋە ئۈزلۈكسىز داۋاملاشتۇرىمىز.»