ministir güler toqayéw bilen körüshti
dölitimiz (türkiye jumhuriyiti) dölet mudapie ministiri yashar güler qazaqistan pirézidénti qasim jomert toqayéw teripidin qobul qilindi.
türkiye awazi radiyosi xewiri: qazaqistan pirézidént mehkimisining bayanatigha qarighanda, toqayéw bilen güler paytext astanadiki akorda pirézidént sarayida körüshken.
uchrishishta, ikki döletning bixeterlik sahesidiki hemkarliq mesilisi muzakire qilinghan.
pirézidént toqayéw qazaqistan bilen türkiye otturisidiki munasiwetlerning ikki tereplik we köp tereplimilik tereqqiy qiliwatqanliqini éytqan, hemde türkiye jumhuriyiti jumhur reisi rejep tayyip erdoghangha eng yaxshi tileklirini yollighan. shundaqla qazaqistan bilen türkiyening istratégiyelik hemkarliqi we shériklik munasiwetlirini yenimu kücheytishining muhimliqini tekitligen.
ministir güler türkiyening qazaqistan bilen bolghan munasiwetlirini ishench we özara qollash rohigha asasen téximu chongqurlashturush iradilirining qetiylikini qeyt qilghan. shundaqla qazaqistanning rayonluq we xelqaraliq mesililerning hel qilinishi yolida körsitiwatqan tirishchanliqlirigha yuqiri baha béridighanliqlirini eskertken.
مۇناسىۋەتلىك خەۋەرلەر
bügün pütün türkiye pelestin üchün yürüsh qilidu
bügün türkiye miqyasida pelestinni qollash yürüshi ötküzülidu.
