fidan özbékistanda

türkiye awazi radiyosi xewiri: tashqi ishlar ministiri xaqan fidan ichki ishlar ministiri eli yerlikaya we türkiye milliy istixbarat teshkilatining reisi ibrahim qalin bilen birlikte özbékistanning paytexti  tashkentte özbékistan tashqi ishlar ministiri bextiyar seydow bilen körüshti.

fidan uchrishishta, özbékistanning türkiye xelqining ikkinchi wetini ikenlikini tekitlep mundaq dédi:

«rehberlirimizning arimizdiki hemkarliqni tüzümleshtürüsh we ilgiri sürüshtiki iradisi intayin qetiy. ikki dölet otturisidiki istratégiyelik hemkarliqni zamanimizgha layiq rewishte kücheytish we tüzümleshtürüsh türk dunyasi üchünmu, her ikki dölet üchünmu nahayiti zor ehmiyetke ige.»

6-ayda enqerede ötküzülgen türkiye-özbékistan istratégiyelik aliy hemkarliq kéngishining 3  - nöwetlik yighinining tarixiy burulush nuqtisi hésablinidighanliqini tekitligen fidan, ikki dölet rehberlirining türkiye-özbékistan munasiwetliri üchün muhim qararlarni chiqarghanliqini qeyt qildi.

u yene, bügün ichki ishlar ministiri eli yerlikaya we türkiye milliy istixbarat teshkilatining reisi ibrahim qalin bilen birlikte tashkentte muhim ziyarette bolghanliqini, ikki dölet rehberlirining iyunda chiqarghan qararlirini emeliyleshtürüsh üchün dawamliq tirishidighanliqlirinimu sözlirige ilawe qildi.