95 térrorchi bir terep qilindi

türkiye awazi radiyosi xewiri: türkiye dölet mudapie ministirliqining axbarat wastilirini xewerlendürüsh yighinida  térrorizmgha qarshi küresh heqqide melumat bérildi.

buninggha asaslanghanda, aldinqi hepte türkiye armiyesining  térrorizmni öz menbeside üzül - késil yoqitish pilanigha asasen élip barghan herbiy heriketliri dawamida 95 térrorchi bir terep qilinghan.

shuning bilen,  1 – yanwardin buyan iraqning shimalida 983, süriyening shimalida 980 bolup, bir terep qilinghan térrorchilarning sani  1963 ke yetken.

2-we 9-séntebir künliri iraqning shimalidiki metina, zap, gara, xaqurq, qendil we asos qatarliq jaylardiki térrorluq nishanlirigha qarshi élip bérilghan herbiy heriketler dawamida,  térrorchilarning kattibashlirimu panahliniwatqan gharlar, panah jaylar, öngkürler, ambarlar we muesseselerdin teshkil tapqan 41 nishan muweppeqiyetlik halda yer bilen yeksan qiliwétilgen.

deslepki melumatlargha qarighanda, asasiy jehettin milliy we yerlik qoral - yaragh hem oq-dorilar ishlitilip élip bérilghan herbiy heriketlerde 27 térrorchi bir terep qilinghan.

bayanatta tekitlinishiche, térrorizmgha qarshi küresh qetiy irade bilen keskin dawamlishidiken.