مىنىستىر گۈلەر قازاقىستان دۆلەت مۇداپىئە مىنىستىرى بىلەن كۆرۈشتى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى دۆلەت مۇداپىئە مىنىستىرلىقىنىڭ باياناتىغا قارىغاندا، گۈلەر قازاقىستاندىكى ئۇچرىشىشلىرى دائىرىسىدە ۋەتەننى قوغدىغۇچىلار ئابىدەسىنى زىيارەت قىلغاندىن كېيىن، قازاقىستان دۆلەت مۇداپىئە مىنىستىرلىقىغا ئۆتكەن.

مىنىستىر گۈلەر بۇ يەردە قازاقىستان دۆلەت مۇداپىئە مىنىستىرى گېنېرال رۇسلان جاكسىلىكوۋ تەرىپىدىن قارشى ئېلىنغان ۋە ھۆرمەت قاراۋۇللىرىغا سالام بەرگەن.

قارشى ئېلىش مۇراسىمىدىن كېيىن، ئىككى مىنىستىر ئالدى بىلەن ئايرىم كۆرۈشكەن، ئارقىدىن ھەيئەتلەر ئارا ئۇچرىشىشلارغا رىياسەتچىلىك قىلغان.