ئىراق ۋە سۈرىيەنىڭ شىمالىدا تېررورچىلارغا زەربە بېرىلدى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى دۆلەت مۇداپىئە مىنىستىرلىقى بايانات ئېلان قىلىپ، «ئەزىز ۋەتىنىمىز ئۈچۈن تېررور ۋە تېررورچىلارغا قارشى پۈتۈن كۈچىمىز بىلەن كۈرەش قىلىۋاتىمىز. قەھرىمان (تۈركىيە) ئارمىيەمىز سۈرىيەنىڭ شىمالىدىكى فىرات قالقىنى ھەربىي ھەرىكىتى ۋە زەيتۇن شېخى ھەربىي ھەرىكىتى رايونىدا پ ك ك / ي پ گ ئەزاسى 11 تېررورچى بىلەن ئىراقنىڭ شىمالىدىكى گارا رايونىدا پ ك ك ئەزاسى ئىككى تېررورچىنى بىر تەرەپ قىلدى» دېگەنلەرنى قەيت قىلدى.