erdoghan sayahetchilikte 2024–yilliq nishanni emelge ashuridighanliqlirini éytti
jumhur reis rejep tayyip erdoghan sayahet peslining yaxshi ötkenlikini, türkiyening 60 milyon sayahetchini kütüwélish nishanigha yétidighanliqlirini éytti.
türkiye awazi radiyosi xewiri: erdoghan jumhur reislik kabinét yighinidin kéyin, xelqqe xitab qildi.
erdoghan 1-séntebirde ishqa kirishtürülgen «Rixos Tersane İstanbul» méhmanxanisining, istanbulning sayahetchiliki we tonushturulushigha muhim töhpe qoshidighanliqigha ishinidighanliqini bildürdi.
jumhur reis erdoghan bultur 17 milyon 370 ming sayahetchining istanbulni ziyaret qilghanliqini we dölet miqyasida dunyaning her qaysi jayliridin kelgen 56 milyon 700 ming sayahetchini kütüwalghanliqlirini bildürüp: «bizning bu yilqi nishanimiz 60 milyon sayahetchi we 60 milyard dollarliq sayahet kirimidur. bu yilning aldinqi 7 éyida 35 milyon sayahetchini kütüwalduq. rayonimizdiki éghir toqunushlargha qarimastin, sayahetchilikte 2024 – yilliq nishanimizni emelge ashuridighanliqimizgha ishinimen» dédi.
