244 نەپەر قەھرىمان تۈرك ئەسكىرى ئامېرىكاغا ئۈلگە بولدى

تۈركىيە ئاۋازى رادىيوسى خەۋىرى: ئامېرىكا ھەربىي ئىستىخبارات ئىدارىسى تەرىپىدىن تەييارلانغان دوكلاتتا، كورېيە ئۇرۇشىدا ئەسىرگە چۈشۈپ قالغان 244 نەپەر تۈركىيە ئەسكىرى ياراتقان ئوبرازنىڭ ئامېرىكا ئارمىيەسىنىڭ ھەربىي تەلىم - تەربىيەسىنى باشتىن ئاخىرى پۈتۈنلەي ئۆزگەرتكەنلىكى ئوتتۇرىغا قويۇلدى.

دوكلاتتا، ئامېرىكا ئارمىيەسىنىڭ «ئەسىرگە چۈشۈپ قېلىش، ئۇرۇش قىلىش، ھايات قېلىش، قېچىش، قۇتۇلۇش ۋە سوئال-سوراققا تاقابىل تۇرۇش مەشىقلىرى» نى، تۈركىيە ئەسكەرلىرىنى ئۈلگە قىلىپ قايتىدىن تۈزۈپ چىققانلىقى بىلدۈرۈلدى.