ministir fidan türkmenistan diplomatiye ministiri bilen körüshti
dölitimiz (türkiye jumhuriyiti) tashqi ishlar ministiri xaqan fidan paytext enqerede türkmenistan ministirlar kéngishining muawin reisi, qoshumche diplomatiye ministiri rashid mérédow bilen körüshti.
türkiye awazi radiyosi xewiri: türkiye tashqi ishlar ministirliqining ammiwi ortaqlishish tor béti X sehipiside, bu heqte élan qilinghan bayanatida, mundaq déyildi:
«tashqi ishlar ministirimiz xaqan fidan paytext enqerede türkmenistan ministirlar kéngishining muawin reisi, qoshumche diplomatiye ministiri rashid mérédow bilen bir yerge jem boldi.»
diplomatik menbelerning bildürüshiche, fidan bilen mérédowning uchrishishida, imzalinidighan yéngi kélishimler arqiliq iqtisadiy sahede türkiye – türkmenistan otturisidiki hemkarliqni chongqurlashturush imkaniyetliri heqqide muzakire élip bérilghan. shundaqla ikki dölet otturisidiki 5 milyard dollarliq soda omumiy sommisini yenimu yüksek sewiyege yetküzüsh nishani toghruluq özara pikir almashturulghan.
ikki ministir, ikki dölet otturisidiki tiransport ishlirini qolaylashturush yolida tashlinidighan qedemler, türkmenistanning tebiiy gazini türkiye we yawropa bazirigha yetküzüshtiki hemkarliq pursetliri, ghezze rayonining nöwettiki weziyiti, ukrainadiki özgirishler heqqide muzakire élip barghan.
