تۈركمەن مىنىستىرلار تۈركىيەدە زىيارەتتە بولىدۇ

تۈركىيە ئاۋازى رادىيوسى خەۋىرى: دۆلىتىمىز (تۈركىيە جۇمھۇرىيىتى) تاشقى ئىشلار مىنىستىرى خاقان فىدان بىلەن مەنسەپدىشى مەرەدوف 5 مىليارد دوللارلىق سودا مىقدارى نىشانىنى ئەمەلگە ئاشۇرۇش يولىدا تاشلىنىدىغان قەدەملەرنى مۇزاكىرە قىلىدۇ.

كاسپىي دېڭىزىنى كېسىپ ئۆتىدىغان ئوتتۇرا كارىدورىدىن تېخىمۇ ئۈنۈملۈك پايدىلىنىش تەدبىرلىرى مۇزاكىرە قىلىنىدىغان سۆھبەت جەريانىدا، تۈركمەنىستان تەبىئىي گازىنىڭ تۈركىيە ۋە ياۋروپاغا يەتكۈزۈلۈشى بىلەن  مۇناسىۋەتلىك تۈرلەرنى رېئاللىققا ئايلاندۇرۇشنىڭ يوللىرىمۇ مۇزاكىرە قىلىنىدۇ.

سۆھبەت جەريانىدا يەنە، رايون ۋە خەلقئارالىق تەشكىلاتلار، بولۇپمۇ تۈرك دۆلەتلىرى تەشكىلاتى بىلەن بولغان ھەمكارلىق پۇرسەتلىرى ئەتراپلىق مۇھاكىمە قىلىنىدۇ.

دۆلەت مۇداپىئە مىنىستىرى ياشار گۈلەرمۇ تۈركمەنىستان دۆلەت مۇداپىئە مىنىستىرى بەگەنچ گۈندوغدىيېف ۋە ئۇنىڭ ھەمراھلىقىدىكى ۋەكىللەر ئۆمىكىنى كۈتۈۋالىدۇ؛ ئىككى تەرەپ ۋەكىللىرى ئىككى دۆلەت مۇناسىۋىتى ۋە رايونغا ئالاقىدار مەسىلىلەر بىلەن بىرلىكتە مۇداپىئە ۋە بىخەتەرلىك مەسىلىلىرى ھەققىدە سۆھبەتلىشىدۇ.