türkiye girétsiyege yardem qildi
türkiye girétsiyening ot apitige taqabil turush kürishini qollash üchün bu döletke ikki ot öchürüsh ayropilani we bir tik uchar ewetidu.
türkiye awazi radiyosi xewiri: türkiye tashqi ishlar ministirliqi bayanatchisi onjü kecheli, ammiwi ortaqlishish tor béti X sehipiside, bu heqte élan qilghan bayanatida, mundaq dédi:
« qoshnimiz girétsiyening paytext atinagha tesir körsetken ot apitige taqabil kürishini qollash üchün, bu döletke yardem bérish meqsitide ikki ot öchürüsh ayropilani we bir tik uchar ayropilan ewetish xizmiti bashlandi.»
türkiye girétsiyege paytext atinagha yéqin warnawada bashlanghan we küchlük shamal sewebidin dairisi attikining herqaysi rayonlirighiche kéngeygen ot apitige qarshi kürishige yardem bérish teklipi sunghanidi.
diplomatik menbelerning bildürüshiche, tashqi ishlar ministiri xaqan fidan, türkiyening inaq qoshnidarchiliq munasiwetliri dairiside girétsiyege yardem bérishke teyyar ikenlikini atinagha yetküzgen.
girétsiye terep bu teklipni oylishidighanliqlirini, zörür tépilghanda türkiyedin yardem soraydighanliqini bildürgenidi.
yene bir tereptin, warnawada yekshenbe küni bashlanghan we shiddetlik shamal sewebidin dairisi wrilisyaghiche kéngiyip ketken ot apitide köyüp ketken bir jeset tépilghan.
igilinishiche, mezkur jeset ot apiti jeryanida yoqap ketken we izdériki bolmighan texminen 65 yashlar chamisidiki bir ayalgha ait iken.
