تۈركىيە بىرازىلىيەگە تەزىيە بىلدۈردى
تۈركىيە بىرازىلىيەدە ئايروپىلان چۈشۈپ كېتىش ۋەقەسىدە قازا قىلغانلار ئۈچۈن تەزىيە باياناتى ئېلان قىلدى.
2173843
تۈركىيە ئاۋازى رادىيوسى خەۋىرى: تۈركىيە جۇمھۇرىيىتى تاشقى ئىشلار مىنىستىرلىقىنىڭ بۇ ھەقتە ئېلان قىلىنغان يازما باياناتىدا، مۇنداق دېيىلدى:
«سان پاۋلو شەھىرى ئەتراپىدا يۈز بەرگەن ئايروپىلان چۈشۈپ كېتىش ۋەقەسىدە نەچچە ئون ئادەمنىڭ ھاياتىدىن ئايرىلغانلىقىدىن تولىمۇ ئەپسۇسلانغان ھالدا خەۋەر تاپتۇق. بىرازىلىيە خەلقى ۋە ۋەقەدە قازا قىلغانلارنىڭ ئائىلە تاۋابىئاتلىرىغا تەزىيە بىلدۈرىمىز.»
بىرازىلىيەدە 58 يولۇچى ۋە 4 خادىم ئولتۇرغان ئايرۇپىلان سان پاۋلو شەھىرى ئەتراپىدىكى بىر ئولتۇراق رايونىدا چۈشۈپ كەتكەن، ۋەقەدە ئايروپىلاندىكىلەرنىڭ ھەممىسى ھاياتىدىن ئايرىلغانىدى.
