سۈرىيەنىڭ شىمالىدا 12 تېررورچى بىر تەرەپ قىلىندى
سۈرىيەنىڭ شىمالىدىكى «فىرات قالقانى» ھەربىي ھەرىكىتى ۋە «زەيتۇن شېخى» ھەربىي ھەرىكىتى رايونلىرىدا بۆلگۈنچى تېررورلۇق تەشكىلاتى پ ك ك/ي پ گ ئەزاسى 12 تېررورچى بىر تەرەپ قىلىندى.
2173854
تۈركىيە ئاۋازى رادىيوسى خەۋىرى: تۈركىيە جۇمھۇرىيىتى دۆلەت مۇداپىئە مىنىستىرلىقى تەرىپىدىن ئېلان قىلىنغان باياناتتا، تۈركىيەنىڭ جەنۇبىدا تېررورلۇق كارىدورى شەكىللەندۈرۈلۈشىگە ئەسلا يول قويۇلمايدىغانلىقى تەكىتلىنىپ مۇنداق دېيىلدى:
«قەھرىمان قىسىملىرىمىز سۈرىيەنىڭ شىمالىدىكى ‹فىرات قالقانى› ھەربىي ھەرىكىتى ۋە ‹زەيتۇن شېخى› ھەربىي ھەرىكىتى رايونلىرىدا ئېنىقلاپ چىقىلغان بۆلگۈنچى تېررورلۇق تەشكىلاتى پ ك ك/ي پ گ ئەزاسى 12 تېررورچىنى بىر تەرەپ قىلدى. تېررورىزمنى ئۆز مەنبەسىنى ئۈزۈل - كېسىل يوقىتىش ئۈچۈن، تېررورىزمغا قارشى كۈرىشىمىز قەتئىي ئىرادە بىلەن كەسكىن داۋاملىشىدۇ.»
