qurtulmush qaratagh muawin bash ministiri bilen körüshti

türkiye awazi radiyosi xewiri: türkiye büyük millet mejlisi bashliqi numan qurtulmush qaratagh muawin bash ministiri we tashqi ishlar ministiri erwin ibrahimowij bilen körüshüp, ikki terepning parlaméntlar ara munasiwetliri, ikki dölet munasiwetliri, rayon, shundaqla xelqaraliq özgirishlerni muzakire qildi.

numan qurtulmush dost ikki dölet otturisida yaxshi munasiwetlerning barliqini we téximu tereqqiy qildurushni arzu qilidighanliqlirini qeyt qildi.

u türkiyening balqan rayonida aldin ehmiyet béridighan mesilining xatirjelik, muqimliq we parawanliqning qoghdilishi ikenlikini alahide eskertip: «rayonimizda tinchliq we muqimliqning qoghdilishi üchün qarataghni öz ichige alghan rayondiki barliq balqan döletliri bilen birlikte dawamliq tirishchanliq körsitimiz» dédi.

qaratagh muawin bash ministiri we tashqi ishlar ministiri erwin ibrahimowij türkiye bilen qaratagh otturisidki yaxshi munasiwetlerning küchlengen halda dawamlishishini arzu qilidighanliqlirini qeyt qildi.