enqere pelestin mesilisini edliye ramkisi ichide hel qilishqa ehmiyet béridu

türkiye awazi radiyosi xewiri: türkiye jumhuriyiti tashqi ishlar ministirliqi türkiyening jenubiy afriqa jumhuriyitining israiliye üstidin xelqara edliye sotigha sunghan délogha terep bolushi toghrisida bayanat élan qildi.

bayanatta: «dölitimiz jenubi afriqa jumhuriyitining israiliyening 1948-yilidiki irqiy qirghinchiliq jinayitining aldini élish we jazalash ehdinamiside körsitilgen mejburiyetlirige xilapliq qilghanliqini otturigha qoyup, xelqara edliye sotigha sunghan erzini bashtin tartip yéqindin közitip kelmekte» dégen ibarilerge orun bérildi.

délogha terep bolush mumkinchilikliri estayidilliq bilen muhakime qilinghandin kéyin, türkiyening bu ishqa arilishish qararining (türkiye jumhuriyiti) tashqi ishlar ministiri xaqan fidan teripidin 2024-yili 1-may élan qilinghanliqigha isharet qilinghan bayanatta: «bu jeryanda, ministirliqimizning riyasetchiliki, alaqidar idare-organlarning töhpe qoshushi we ishtirak qilishi bilen élip bérilghan qanun xizmetliri netijiside, délogha arilishish iltimasimiz xelqara edliye sot mehkimisining  63-maddisining rohigha asasen, irqiy qirghinchiliq ehdinamisigha terep bolghan dölet bolush süpitimiz bilen, 2024-yili 8-ayning 7-küni mehkimige sunuldi» déyildi.

bayanatta yene: «bizning (irqiy qirghinchiliq délosigha) arilishish qararimiz dölitimizning pelestin mesilisini qanun we adalet dairiside hel qilishqa qanchilik ehmiyet bergenlikining namayendisi. insanlarning wijdani we xelqara qanun israiliye emeldarlirining jawabkarliqqa tartilishigha kapaletlik qilidu» dégen ibarilergimu orun bérildi.