milliy istixbarat idarisi p k k gha zerbe bérishni dawamlashturmaqta

türkiye awazi radiyosi xewiri: türkiye jumhuriyiti milliy istixbarat idarisi térrorluq jinayiti sadir qilish bilen eyiblinip üstidin tutush buyruqi chiqirilghan eziz gabar kod isimlik térrorchi serdar sönmezning p k k térrorluq teshkilatining atalmish yuqiri derijilik rehberliridin türkiye armiyesige qarshi térrorluq weqesi peyda qilish toghrisida buyruq tapshurup alghanliqi uchurini qolgha chüshürdi.

milliy istixbarat idarisining rayonda wezipe ötewatqan xadimliri érishken mexpiy uchurgha asaslanghanda, p k k térrorchisi serdar sönmez türkiye armiyesining xakurktiki heriket rayonigha singip kirip, razwédka we közitish paaliyetlirini élip bérip, mergen miltiqi bilen weqe peyda qilmaqchi bolghan.

érishken uchurgha asasen, milliy istixbarat idarisi serdar sönmezni qedemmuqedem nazaret qilishqa bashlighan hemde térrorluq teshkilati sépige soqunup kirgen xadimliri arqiliq térrorchining heriketke ötidighan waqti we ornini igilep, nuqtiliq zerbe bérish herikiti élip barghan.

p k k ezasi serdar sönmez xakurktiki türkiye herbiy bazisida suyiqest weqesi sadir qilishqa teyyarliq qiliwatqan esnada bir terep qilinghan.