خاقان فىدان ديېۋىد لامى بىلەن تېلېفونلاشتى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى تاشقى ئىشلار مىنىستىرلىقى باياناتچىسى ئۆنجۈ كەچەلى ئىجتىمائىي تاراتقۇ سۇپىسى «X» تىكى ئادرېسىدا، مىنىستىر فىدان بىلەن ۋەزىر لامىنىڭ تېلېفون سۆھبىتى توغرىسىدا بايانات ئېلان قىلدى.

باياناتچى كەچەلى مىنىستىر فىدان بىلەن ۋەزىر لامىنىڭ تېلېفون سۆھبىتى جەريانىدا غەززەدىكى ئەڭ يېڭى ئۆزگىرىشلەر ۋە كۈنسېرى كۈچىيىۋاتقان رايوندىكى جىددىيچىلىكنىڭ مۇزاكىرە قىلىنغانلىقىنى تىلغا ئالدى ۋە سۆزىنى داۋاملاشتۇرۇپ: «ھۆرمەتلىك مىنىستىرىمىز ئىسرائىلىيەنىڭ ئۇرۇش توختىتىشقا قارشى تۇرۇۋاتقان تەرەپ ئىكەنلىكىنى، توقۇنۇشنىڭ رايون مىقياسىغا كېڭىيىش خەۋپى بارلىقىنى، ئىسرائىلىيەنىڭ تاجاۋۇزچىلىقىنىڭ توختىتىلىشى كېرەكلىكىنى قەيت قىلدى» دېگەنلەرنى قەيت قىلدى.