بۇ يىل كىرگەندىن بۇيان 1652 تېررورچى يوقىتىلدى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى دۆلەت مۇداپىئە مىنىستىرلىقى بايانات ئېلان قىلىپ، 2024-يىلى 1-يانۋاردىن بۇيان ئىراق ۋە سۈرىيەنىڭ شىمالىدا ئېلىپ بېرىلغان زەربە بېرىش ھەرىكەتلىرى جەريانىدا 1652 تېررورچىنىڭ يوقىتىلغانلىقىنى ئۇقتۇردى.

مىنىستىرلىق مەنبەلىرى، ئىراقنىڭ شىمالىدىكى <پەنچە-قۇلۇپ> ھەربىي ھەرىكىتى رايونىدا ئېلىپ بېرىلىۋاتقان بۆلگۈنچى تېررورلۇق تەشكىلاتى — پ ك ك غا زەربە بېرىش ھەرىكەتلىرى جەريانىدا يوقىتىلغان تېررورچىلار سانىنىڭ كۈنسېرى ئېشىۋاتقانلىقىنى، رايون پۈتۈنلەي تېررورچىلاردىن خالىيلاشتۇرۇلۇپ بولغۇچە زەربە بېرىش ھەرىكەتلىرىنىڭ داۋام قىلىدىغانلىقىنى تەكىتلىدى.

مىنىستىرلىق مەنبەلىرى يەنە، <پەنچە-قۇلۇپ> ھەربىي ھەرىكىتى رايونىنىڭ «قۇلۇپىنى تاقىۋېتىشكە ئاز قالغانلىقى»نى ئوتتۇرىغا قويدى.