t r t döletlik «polat gümbez» hawa mudapie sistémisini tunji bolup körsetti
dölet mudapie sanaiti ijraiye komitéti jumhur reis rejep tayyip erdoghanning riyasetchilikide tünügün (6-awghust) paytext enqerede bir yerge jem boldi.
türkiye awazi radiyosi xewiri: jumhur reislik mehkimiside, jumhur reis rejep tayyip erdoghanning riyasetchilikide yerlik we milliy qoral sistémisi bilen téxnikisigha munasiwetlik mesililer muzakire qilindi.
dölet mudapie sanaiti ijraiye komitétida tunji qétim ismi tilgha élinghan we herbiy éléktironluq téxinika shirkiti teripidin yasalghan «polat gümbez», birinchi bolup türkiye radiyo-téléwiziye idarisi (t r t) teripidin körsitildi.
türkiye uzundin buyan öz küchige tayinip qatlamliq hawa mudapie sistémisi ailisini qurup chiqmaqmaqta.
bu ailidiki eng yéqin hawa mudapie sistémiliri, töwen we ottura égizlik sistémiliri alliburun armiyemizning qoral türige kirdi. uzun musapiliq hawa mudapie sistémisi«SİPER» ning bolsa, birinchi basquchi axirlashti.
komitét bu ailining özara masliship ish qilishi, yéngidin tereqqiy qildurulghan radar sistémisi bilen maslishishchanliqi we birla waqitta hawa resimi shekillendürüp meshghulat merkizidin bashqurushning barliqqa kélishi qatariq témilar «polat gümbez» serlewhisi astida muzakire qilindi.
herbiy éléktironluq téxinika shirkiti tetqiq qilip yasap chiqqan bu sistéma toluq ishqa sélinghanda, döletlik polat gümbez sistémisi türkiye hawa sahesige kirgen, hetta kirish éhtimalliqi bolghan her qandaq tehditlerni her qandaq égizliktin yoqitalaydu.
