xaqan fidan misirda uchrishishlirini dawamlashturmaqta
tashqi ishlar ministiri xaqan fidan misir tashqi ishlar ministiri bedir abdulatining teklipige binaen misirgha yétip bérip, uchrishishlirini dawamlashturmaqta.
2171212
türkiye awazi radiyosi xewiri: ministir xaqan fidan misirdiki uchrishishliri dairiside, ereb elliri ittipaqining bash katipi ehmed ebu gheyt bilen körüshti.
tashqi ishlar ministirliqining X adrésidiki yazma bayanatida, «ministirimiz xaqan fidan misirning alemeyn shehiride ereb elliri ittipaqining bash katipi ehmed ebu gheyt bilen körüshti» déyildi.
xaqan fidan uchrishishtin ilgiri el-arish shehiride, tebiiy apet we jiddiy ehwallargha taqabil turush idarisi (AFAD) we türkiye qizilay jemiyiti xadimliri bilenmu körüshti.
ministir fidan misir qizilay eshya oborot merkizining mesulliridin ghezzege ewetiliwatqan insanperwerlik yardimini maslashturush heqqide melumat aldi.
