daniye türkiyening (jasus) almashturush herikitige yuqiri baha berdi
daniye tashqi ishlar ministiri lars lokké rasmussén türkiye istixbarat idarisi (MİT) ning maslashturushida emelge ashqan jasus almashturush herikitining «türkiyege nisbeten zor diplomatik ghelibe» ikenlikini éytti.
türkiye awazi radiyosi xewiri: daniye tashqi ishlar ministiri lars lokké rasmussén axbaratqa bergen bayanatida, aldinqi hepte paytext enqerede türkiye istixbarat idarisining maslashturushida emelge ashqan jasus almashturush herikiti üstide toxtaldi.
rasmussén heriketke: «türkiyege nisbeten zor diplomatik ghelibe» dep baha berdi we bu heriketning bélarusiye bilen rusiyedin chiqirilghan 16 kishi üchünmu yaxshi bir ilgirilesh bolghanliqini tilgha élip, türkiyening diplomatik muweppeqiyitini tebriklidi.
rasmussén yene, jasularni almashturush herikitide rusiyege qayturup bérilgen kishi sanining rusiyedin kelgen kishi sanidin az ikenlikidin tolimu memnun bolghanliqini bildürdi.
türkiye istixbarat idarisi paytext enqerede, amérika, gérmaniye, polsha, slowéniye, norwégiye, rusiye we bélarusiyede türmilerde tutup turuluwatqan 26 kishini özara almashturushqa munasiwetlik yéqinqi mezgildiki eng etrapliq almashturush herikitini emelge ashurghan idi.
herikette almashturulghanlar «The Wall Street Journal» ning muxbiri éwan gérshkowich, amérikaliq sabiq déngiz armiye eskiri paul willan, gérmaniyelik yallanma esker riko krégér, rusiye öktichisi ilya yashén we rusiye fédératsiyesi bixeterlik mulazimet emeldari wadim kraskow qatarliqlar idi.
