ismail heniyye üchün aya sofiya meydanida chong yighilish ötküzüldi

türkiye awazi radiyosi xewiri: israiliyege naraziliq bildürüp ghezzeni qollash üchün pelestinni qollash munbirining rehberlikide aya sofiya meydanigha toplanghan xelq ammisi tarixiy yérim aralning oxshimighan nuqtiliridin meydangha yétip keldi.

puqralar türkiye we pelestin bayriqi bilen kelime tewhid bayriqini kötürüp, sharpilarni taqighan halda pelestinning azadliqi üchün shoarlarni towlidi.

paaliyetke qatnashquchilar « deryadin déngizghiche pelestinge azadliq!», «qatil amérika, pelestindin yoqal!» , «qatil israiliye, pelestindin yoqal!» , «aqsa üchün  jénimiz we hayatimiz qurban bolsun!», «hamasqa salam! qarshiliq dawam!» dégendek shoarlarni towlap, israiliyege qattiq naraziliq bildürüldi.

türkche, erebche we inglizche teyyarlanghan lozunkilarda  bolsa, «ghezzede irqiy qirghinchiliq boluwatidu» , «israiliye irqiy qirghinchiliqini toxtat!» , «qirghinchiliq axirlashsun, balilar ölmisun» dégen sözler yézildi.

suyiqestke uchrighan hamas siyasiy béyrusi reisi ismail heniyyening chong resimlirimu yürüshte échildi.

hamasning siyasiy béyrusi bashliqi ismail heniyyening suyiqestke uchrishi türkiyening nurghun wileyetliridimu naraziliq qozghidi.

yene bir tereptin, «pelestin heriket komitéti» ezaliri israiliyening istanbuldiki bash konsulxanisi aldida hujum astidiki ghezzeni qollash namayishi teshkillidi.

guruppa axbarat élan qilinghandin kéyin tarqilip ketti.