türkiye sudangha insanperwerlik yardem qildi

türkiye awazi radiyosi xewiri: israiliye ghezzede keltürüp chiqiriwatqan insaniy tiragédiye aldida heriketke ötken türkiye we türkiyediki ammiwi teshkilatlar jiddiy ehwallargha taqabil turush qomandanliq merkizi bilen hemkarliship, herqaysi rayonlardiki qiyinchiliq we namratliq azabini tartiwatqan kishilerge yardem bérish paaliyetlirini keng qanat yaydurmaqta.

bu arqa körünüshte, sudanning her xil qanallarning wasitisi arqiliq izhar qilghan teleplirini qandurush meqsitide, bu döletke insanperwerlik yardem buyumliri qachilanghan bir paraxot ewetildi.  yémeklik, taziliq, kiyim-kéchek, turmush we saghlamliq buyumliridin terkib tapqan insanperwerlik yardemliri murasim arqiliq sudan dairilirige tapshurup bérildi.

türkiye yéqinda afghanistanghimu insanperwerlik yardemliri qachilanghan bir poyiz ewetti.

insanperwerlik yardimining milliy ishlepchiqirish omumiy qimmitide igelleydighan nisbiti jehette eng séxiy döletlerning biri bolghan türkiye, bu nuqtiiynezerni chiqish nuqta qilip, zulumgha uchrighan rayonlargha dawamliq yardem qolini sunmaqta.

bu ramkida, aldimizdiki künlerde somalighimu insanperwerlik yardem paraxoti ewetilishi pilanlanmaqta.