türkiye israiliyening xan yunustiki mektepke qilghan hujumini eyiblidi

türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip: «biz israiliyening ghezzening xan yunus shehiridiki pelestinlikler panahliniwatqan bir mektepte nechche on bigunah puqrani qirghin qilghanliqini eyibleymiz. xan yunusta ashkarilanghan kolléktip mazarlar we yéqinqi töt künde bu yerdiki töt mektepning zerbe obyékti qilinishi israiliyening pelestin xelqini pütünley yoqitishni meqset qilghanliqining konkrét ispati» dégenlerni qeyt qildi.

bu hujumlarning israiliye bash ministiri bényamin nétanyahu hökümitining urush toxtitish söhbetlirige buzghunchiliq qilishni pilanlawatqanliqini körsitip béridighanliqi tekitlengen bayanatta: «israiliye emeldarliri insaniyetning barliq qimmet qarishi we xelqara qanunni nezerdin saqit qilghan bu qilmishliri qanun aldida jawabkarliqqa tartilidu» dégen ibarilerge orun bérildi.

israiliyening ghezzening xan yunus shehiridiki sergerdan pelestinlikler panahliniwatqan bir mektepning derwazisigha qilghan hujumida 29 pelestinlik qaza qilghan, 50 din artuq pelestinlik yarilanghanidi.