erdoghan: peqet musulmanliqimizla emes, insanliqimizmu zor sinaqqa duch kelmekte
dölitimiz (türkiye jumhuriyiti) jumhur reisi rejep tayyip erdoghan özi reisi bolghan adalet we tereqqiyat partiyesi teshkilatigha sin yighini sistémisi arqiliq xitab qildi.
türkiye awazi radiyosi xewiri: jumhur reis erdoghan xitabida, «qurban héyt» ning ishghaliyet astidiki pelestin zéminlirida insaniyet namidin nomus qilarliq qetliamlar yüz bériwatqan peytte tebrikliniwatqanliqini tekitlep mundaq dédi:
«irqiy qirghinchi israiliye hökümiti teripidin wehshiylerche shéhit qilinghan 38 ming qérindishimizning azab-oqubetliri millet we ümmet bolush süpitimiz bilen hemmimizning yürikimizni pare-pare qilmaqta, peqet musulmanliqimizla emes, insanliqimizmu zor sinaqqa duch kelmekte. ghezzediki qetliamlargha naraziliq bildürüsh hem qérindashliq wezipimizdur hem insanliq burchimizdur.»
«pütkül dunyaning israiliyening qan töküshidin saqlinish tedbirlirini qollinish, biz her küni shahit boluwatqan qirghinchiliqni derhal toxtitish mejburiyiti bardur. siyasiy hayatini uzartish üchün, öz puqralirinimu öz ichige alghan pütkül rayonni urush otigha ittiriwatqan israiliye bash ministiri bényamin nétanyahu hökümitige <toxtap tur> déyishning shert ikenlikini herdaim tekitlep kéliwatimiz.»
erdoghan türkiye bolush süpiti bilen, rayonda uzun muddetlik tinchliq ornitish we irqiy qirghinchiliq yürgüzgenlerning jawabkarliqqa tartilishigha kapaletlik qilish üchün, shundaqla pelestin dölitini étirap qilghan döletlerning sanini téximu ashurush üchün pütün küchi bilen tirishchanliq körsitiwatqanliqlirini tekitlidi.
مۇناسىۋەتلىك خەۋەرلەر
erdoghan: israiliye ishghaliyitini axirlashturup, keltürüp chiqarghan ziyanlarni tölep bérishi kérek
erdoghan malayshiyagha yürüp ketti
jumhur reis rejep tayyip erdoghan malayshiyada dölet ishliri ziyaritide bolidu.
