erdoghan «qurban héyt» ni tebriklep bayanat élan qildi

dölitimiz (türkiye jumhuriyiti) jumhur reisi rejep tayyip erdoghan islam dunyasining qurban héytini tebriklidi hemde islam dunyasini birlik we barawerlik asasida heriket qilishqa chaqirdi.

2153287
erdoghan «qurban héyt» ni tebriklep bayanat élan qildi

türkiye awazi radiyosi xewiri: jumhur reis erdoghan «qurban héyt» ni tebriklep élan qilghan sinliq bayanatida, mundaq dédi:

«qurban héytinglarni chin dilimdin tebrikleymen. bu muqeddes künlerning millitimizge, islam dunyasigha we pütkül insaniyetke yaxshiliq élip kélishini tileymen.»

erdoghan israiliyening éytip tügetküsiz wehshiylikliri astida yashawatqan ghezzeliklerning qurban héytini tebriklep mundaq dédi:

«ghezzediki irqiy qirghinchi israiliyening wehshiylikliri astida éytip tügetküsiz azab-oqubetlerni tartiwatqan qérindashlirimning qurban héytini chin dilimdin tebrikleymen, her küni azab-oqubet tartiwatqan, éziliwatqan we qirghin qiliniwatqan ghezzelik qérindashlirimizningmu eng qisqa waqit ichide tinchliq, bixeterlik we muqimliq muhitigha érishishigha tilekdashmen.»

pelestin dölitining étirap qilinishigha kapaletlik qilish üchün nahayiti zor tirishchanliqlarning körsitilgenliki we körsitiliwatqanliqini eskertken jumhur reis erdoghan, mundaq dep körsetti:

«siyonistlarning barliq bésimigha qarimay, biz her bir munberde heq – hoquq, adalet we tinchliqni qoghdash pirinsipida ching turup kéliwatimiz, qilche ikkilenmey heqiqetni jasaret bilen otturigha qoyup kéliwatimiz. balilarning qatili bolghan israiliye we uning qollighuchilirining barliq wehshiyliklirige qarimay,  axirida ghelibe qilghan terep choqum pelestin xelqi bolidu.»

jumhur reis erdoghan bayanatida, térrorizmgha qarshi küresh toghriliqmu toxtilip mundaq dédi:

«térrorizmgha qarshi küresh mabeynide tarixiy muweppeqiyetlerni qolgha keltürduq we keltürüwatimiz, bu heqte muresse qilishimiz esla mumkin emes. uda 40 yildin buyan eziz xelqimizning qénini töküp, bayliqini sümürüwatqan bölgünchi térrorluq teshkilatidin ibaret balayiapetni üzül - késil yoqatmighuche zerbe bérish heriketlirimizni qetiy dawamlashturimiz.»


خەتكۈچ: #tebrik , #qurban héyt , #erdoghan

مۇناسىۋەتلىك خەۋەرلەر