erdoghan biraziliye pirézidénti bilen körüshti

dölitimiz (türkiye jumhuriyiti) jumhur reisi rejep tayyip erdoghan italiyede biraziliye pirézidénti luyiz inakiyo lula da silwa bilen körüshti.

2153258
erdoghan biraziliye pirézidénti bilen körüshti

türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisining bildürüshiche, jumhur reis rejep tayyip erdoghan 7 dölet guruhi bashliqlar yighini chaqirilghan italiyening borgo égnaziya rayonida, ikki tereplik uchrishishliri dairiside,  biraziliye pirézidénti luyiz inakiyo lula da silwa bilen körüshken.

ikki rehberning uchrishishida, türkiye – biraziliye munasiwetliri, israiliye ghezzede yürgüzüwatqan qetliamlar we bu qetliamlarni toxtitishning chare – tedbirliri we xelqaraliq özgirishler heqqide muzakire élip bérilghan.

körüshüshte, jumhur reis erdoghan israiliyening yéqindin buyan barghansiri yalghuzlashqanliqini , zulumni tügitish üchün israiliyege bolghan bésimni kücheytish we dawamlashturush kéreklikini otturigha qoyghan.

kéyinche 7 dölet guruhi  bashliqlar yighinigha qatnashqan rehberler bilen birlikte xatire süretke chüshken erdoghan, watikan pirézidénti papa frensis, mawritaniye pirézidénti muhemmed weled ghezwani bilen xatire süretke chüshüshüsh jeryanida bir mezgil paranglashqan.

jumhur reis erdoghan 7 dölet guruhigha eza döletlerdin yer shari xaraktérlik mesililerge téximu adil we hemme qobul qilidighan hel qilish charesi tépishini kütüwatqanliqlirini tekitligen.

u, italiyede chaqirilghan 7 dölet guruhi bashliqlar yighini dairisidiki uchrishishlirini tamamlighandin kéyin türkiyege qaytqan.


خەتكۈچ: #italiye , #biraziliye , #erdoghan

مۇناسىۋەتلىك خەۋەرلەر