erdoghan italiyede

dölitimiz (türkiye jumhuriyiti) jumhur reisi rejep tayyip erdoghan 7 dölet guruhi bashliqlar yighinigha qatnishish üchün italiyening brindisi shehirige yétip bardi.

2153183
erdoghan italiyede
erdogan g7 italya.jpg
g7 erdogan lula da silva.jpg
g7 erdogan-kral guterres.jpg
g7 erdogan-kral abdullah.jpg
g7 erdogan-meloni.JPG

türkiye awazi radiyosi xewiri:jumhur reis rejep tayyip erdoghanni brindisi ayrodurumida dölitimiz (türkiye jumhuriyiti) tashqi ishlar ministiri xaqan fidan, türkiyening rimda turushluq bash elchisi ömer güchük, türkiyening watikan bash elchisi ufuq ulutash, shundaqla türkiyening rim we watikan elchixanaliri mesulliri teripidin qarshi élindi.

türkiye jumhuriyiti jumhur reislik mehkimisi diplomatiye we bixeterlik ishliri meslihetchisi akif chaghatay qilich, türkiye jumhuriyiti jumhur reislik mehkimisi uchur – alaqe ishliri idarisining muawin reisi chaghatay özdemirmu jumhur reis erdoghan we repiqisi emine erdoghan bilen birlikte italiyege yétip bardi.

italiye bash ministiri giorgiya méloni bashliqlar yighini üchün italiyege barghan rehberlerni bir-birlep qarshi aldi.

      jumhur reis erdoghanmu bashliqlar yighini üchün italiyege yétip barghan chaghda méloni bilen bilen qol éliship körüshti, axbarat wastilirigha salam qildi.

erdoghan kéyinche 7 dölet guruhining «afriqa we aqdéngiz  - süniy eqil», «énérgiye» témiliq olturushigha qatnashti.

xatire süretke chüshidighan we birqatar ikki tereplik uchrishishlarni élip baridighan jumhur reis erdoghan, medeniyet paaliyetliri we biresmiy kechlik tamaq ziyapitige ishtirak qilidu.


خەتكۈچ: #méloni , #italiye , #erdoghan

مۇناسىۋەتلىك خەۋەرلەر