erdoghan ispaniyede ikki künlük resmiy ziyarette bolidu

jumhur reis rejep tayyip erdoghan bügün ispaniyege bérip ikki künlük resmiy ziyarette bolidu.

2151800
erdoghan ispaniyede ikki künlük resmiy ziyarette bolidu

türkiye awazi radiyosi xewiri: erdoghan ziyaritining birinchi künide, paytext madridta ispaniye padishahi 6 -  félip bilen körüshidu. andin ete ispaniye bash ministiri pédro sanchéz bilen uchrishish ötküzidu.

jumhur reis erdoghanning uchrishishlirining eng muhim témiliridin biri ghezze bolup, ispaniye 28 - mayda pelestinni resmiy étirap qilidighanliqini élan qilghan we erdoghanmu bu qararni alahide medhiye bilen qarshi alidighanliqini bildürgen idi.

erdoghanning ispaniyelik mensepdashliri bilen tepsiliy muzakiriler élip bérishi mölcherlenmekte. israiliyening ghezzediki hujumlirini toxtitish we rayonning menggülük tinchliqi eng muhim söhbet témisi qatarida turidu.

ziyaret jeryanida yer shari xaraktérlik tereqqiyatlar we türkiye-ispaniye munasiwetlirimu üstel üstide bolidu.

erdoghan bash ministir sanchéz bilen birlikte türkiye - ispaniye otturisidiki 8 - nöwetlik hökümetler ara uchrishishqa riyasetchilik qilidu.

bashliqlar soda, pul-muamile, medeniyet we tenterbiye qatarliq sahelerde nurghun kélishimlerning imzalinishi pilanlanmaqta.

jumhur reis erdoghanning türkiyelik we ispaniyelik soda sanaetchiler qatnishidighan soda munbirining échilishigha ishtirak qilishi kütülmekte.



مۇناسىۋەتلىك خەۋەرلەر