تۈركىيەنىڭ ئىككىنچى ئالەم ئۇچقۇچىسى تۇۋا جىھانگىر ئاتاسەۋەر يەر شارىغا قوندى

تۈركىيە ئاۋازى رادىيوسى خەۋىرى: مىكرو يەر تارتىش كۈچى تەجرىبىسىنى تاماملىغان تۇۋا ئاتسەۋەر، تۈركىيەنىڭ ئالەم قاتنىشى پروگراممىسىنىڭ ھالقىلىق بۇرۇلۇش نۇقتىسىدىن ئۆتۈشىنى ئىشقا ئاشۇردى.

تۇۋا ئاتسەۋەر ئامېرىكا ئالەم قاتنىشى شىركىتى <Virgin Galactic> قا تەۋە ئالەم كېمىسى بىلەن 90 كىلومىتىر ئېگىزلىكتە 7 تەجرىبە ئېلىپ باردى.

تۈركىيەنىڭ ئىككىنچى ئالەم ئۇچقۇچىسى تۇۋا ئاتسەۋەرنى ئۆز ئىچىگە ئالغان «VSS Unity» ئوربىت ئاستى ئالەم كېمىسى شۇ يەرنىڭ ۋاقتى (ئامېرىكا سائىتى) 09:40 دە  (تۈركىيە ۋاقتى) 18:40 دە ئاستا - ئاستا تۆۋەنلىگەنچەيەر يۈزىگە قوندى.  

ئايروپىلان ئامېرىكاىنىڭ يېڭى مېكسىكادىكى ئالەم كېمىسى مەركىزىگە قونۇشى بىلەن، 4 ئالەم ئۇچقۇچىسى ۋە 2 ئۇچقۇچىدىن تەركىب تاپقان 6 كىشىلىك « Galactic07» گۇرۇپپىسىنىڭ ئەزاسى ئاتاسەۋەرنىڭمۇ ئوربىتە ئاستى تەتقىقات ئۇچىشى ئاخىرلاشقان بولدى.

ئاتاسەۋەر تەتقىقاتچى ئالەم ئۇچقۇچىسى بولۇش سۈپىتى بىلەن قاتناشقان بۇ ئەترەتكە ئامېرىكادىن ئىككى، ئىتالىيەدىن بىر خۇسۇسىي ئالەم ئۇچقۇچىسى قاتناشقان ئىدى.