сийасий әрбаблар исраилийәниң ғәззәдики дохтурханиға һуҗум қилиш қилмишини әйиблиди

түркийәдики һәр қайси қатлам сийасий әрбаблар исраилийәниң ғәззәдики дохтурханиға һуҗум қилиш қилмишини әйиблиди.

2052648
сийасий әрбаблар исраилийәниң ғәззәдики дохтурханиға һуҗум қилиш қилмишини әйиблиди

түркийә авази радийоси хәвири: түркийә бүйүк миллий мәҗлиси башлиқи нуман қуртулмуш исраилийәниң хәлқара қанунни көзгә илмай, пуқраларни зәрбә обйекти қилинған һуҗумлирини қәтий қобул қилмайдиғанлиқини вә уларни күчлүк шәкилдә әйибләйдиғанлиқини билдүрди.

у өзиниң иҗтимаий таратқудики адресида учур һәмбәһриләп, исраилийәниң пүткүл дунйаниң көзи алдида <инсанийәт>кә рәһимсизләрчә һуҗум қиливатқанлиқини оттуриға қойди.

«пуқралар аһалиләр районлириға һуҗум қилишни үзлүксиз давамлаштуруватқан рәһимсиз зионизмниң ғәззәдики бир дохтурханиға һуҗум қилип, йүзлигән бигунаһ кишини қирғин қилғанлиқи»ни тилға алған қуртулмуш, сөзини давамлаштуруп: «биз исраилийәниң хәлқара қанунни көзгә илмай, пуқраларни зәрбә обйекти қилинған һуҗумлирини қәтий қобул қилмаймиз вә уни йәнә бир қетим әң күчлүк шәкилдә әйибләймиз. түркийә болуш сүпитимиз билән, ғәззәгә қаритилған тәңсиз шундақла әхлақий вә инсаний қиммәтләрдин йирақ вәһший һуҗумларға қарши турушни давамлаштуримиз» дегәнләрни қәйт қилди.

шуниң билән бир вақитта, түркийә бүйүк милләт мәҗлисидә гурупписи болған барлиқ сийасий партийәләр исраилийәниң ғәззәдики дохтурханиларни бомбардиман қилишиға қарита ортақ байанат елан қилди.

«биз инсанийәткә қарши җинайәт болған бу һуҗумларни әң күчлүк шәкилдә әйибләймиз» дегән ибариләргә орун берилгән байанатта, түркийә бүйүк миллий мәҗлисидики барлиқ партийә гуруппилири вә парламент әзалириниң дунйа парламентлири, хәлқара җәмийәт вә тәшкилатларни бу рәһимсизликни тохтитиш үчүн позитсийә билдүрүп, мәйданини ениқ қилишқа чақиридиғанлиқи тәкитләнди.

муавин җумһур рәис җәвдәт йилмаз исраилийәниң ғәззәдики дохтурханиға қилған һуҗуминиң инсанийәт үчүн зор паҗиә икәнликини байан қилип: «биз отқа йеқилғу төкитидиған байанатларни елан қилғанларниң вә исраилийәни шәртсиз қоллиғанларниң, бу вәқәләрдин кейин позитсийәлирини қайта ойлишип көрүшини үмид қилимиз» деди.

сийаси партийә рәһбәрлири вә министирларму учурларни һәмбәһриләп, исраилийәниң ғәззәдики дохтурханиға қилған һуҗумини әйиблиди.

түркийә җумһурийити җумһур рәислик мәһкимиси учур – алақә ишлири идариси башлиқи фаһрәттин алтунму «бемарлар вә йашанғанларға қаритилған зораванлиқ тохтиши керәк. ғәззәниң бомбардиман қилиниши тохтиши керәк. дунйа ойғинип, төкүлүватқан қанға хатемә бериши лазим» деди.



مۇناسىۋەتلىك خەۋەرلەر