türkiye jenubiy sudandiki tinchliq musapisini qollidi
türkiye jenubiy sudan dairilirining telipige binaen jenubiy sudan birleshme armiyesige herbiy forma we bashqa matériyallarni yardem qildi.
türkiye awazi radiyosi xewiri: türkiye jenubiy sudan dairilirining telipige binaen, 2018-yilqi kélishimge asasen ishqa kirishtürülgen jenubiy sudan tinchliq musapisige töhpe qoshush üchün yéngi qurulghan birleshme armiyege 75 ming herbiy forma we munasiwetlik matériyallarni iane qildi.
jenubiy sudan dölet mudapie ministirliqida ötküzülgen murasimda, türkiyening juba bash elchisi erdem mutaf 75 ming herbiy forma we munasiwetlik matériyallarni jenubiy sudan dairilirige tapshurup berdi.
jenubiy sudan dairiliri murasimda qilghan sözliride, türkiye jumhuriyitining birleshme armiyeni qollishidin intayin xursen ikenliklirini bildürdi, hemde türkiye xelqi, türkiye hökümiti we dölet mudapie ministirliqigha minnetdarliqini bildürdi.
2021-yili ikki döletning mudapie ministirliqliri otturisida bashlanghan hemkarliq basquchi dairiside, türkiye iane qilghan herbiy matériyallarning deslepki qismi 2023-yili 2-ayning 16-küni hawa yoli arqiliq jubagha yetküzüp bérilgen, qalghan matériyallar bolsa déngiz yoli arqiliq kéniyening mombasa portigha ewetilgen, andin jenubiy sudan dölet mudapie ministirliqi teripidin bu yerdin quruqluq arqiliq jubagha yötkelgenidi.
