әрдоған билән әнвәр ибраһим қошма байанат елан қилди
җумһур рәис рәҗәп таййип әрдоған билән малайшийа баш министири әнвәр ибраһим йеқиндин буйан баш көтүргән ислам вә мусулманларни кәмситиш, өчмәнлик вә һуҗум қилишға илһамландуруш характерлик авамчил нутуқларни әң күчлүк шәкилдә әйиблиди.
түркийә авази радийоси хәвири: җумһур рәис әрдоған билән баш министир әнвәр ибраһим америка қошма иштатлириниң нйуйорк шәһиридики түркийә өйидә көрүшкәндин кейин, мусулманларға қаритилған өчмәнлик вә зораванлиқ һәрикәтлириниң күнсери күчийиватқанлиқи тоғрисида қошма байанат елан қилди.
икки рәһбәр өзлириниң йеқинқи мәзгилләрдә бир қисим йавропа дөләтлиридә пикир әркинлики нами астида қуран кәримни көйдүрүш қилмишлири, мусулманларға қилинған һақарәтләр, өчмәнликни улғайтқучи нутуқлар вә һуҗум қилишқа илһамдурғучи авамчил байанатларни әң күчлүк әйибләйдиғанлиқлирини тәкитлиди.
һәр қайси дөләтләрниң җидди тәдбир қоллинип, дин йаки етиқадқа қарита зораванлиқ қилишни җинайи қилмиш даирисигә киргүзүши керәкликини тәкитлигән әрдоған билән әнвәр ибраһим, «һөкүмәтләрни өз ичигә барлиқ шерикләрни кәмситиш, чәт әллик дүшмәнлики, ирқчилиқ вә өчмәнлик қилиш қилмишлирини хәлқара кишилик һоқуққа һөрмәт қилған асаста музакирә қилиш йолидики тиришчанлиқларни күчәйтишкә чақиримиз» дегәнләрни қәйт қилди.
