erdoghan dunya rehberlirige kitab teqdim qildi

türkiye awazi radiyosi xewiri: jumhur reis rejep tayyip erdoghan birleshken döletler teshkilatining amérika qoshma ishtatlirining nyu york shehiride chaqirilghan 78 – nöwetlik omumiy kéngesh yighinida, dunya rehberlirige türkiye jumhuriyiti jumhur reislik mehkimisi uchur – alaqe ishliri idarisi teripidin teyyarlanghan «oxshash térrotériyelerde oxshimighan étiqad mepkuriliri bilen tinchliq ichide birlikte yashash we ortaq chüshinish  hasil qilish», hemde «birleshken döletler teshkilati islahati» namliq kitablirini teqdim qildi.

türkiye jumhuriyiti jumhur reislik mehkimisi uchur – alaqe ishliri idarisining bildürüshiche, jumhur reis rejep tayyip erdoghan dunya rehberlirige türkiyede oxshimighan din we mezheplerge qarita yéqinqi 21 yilda démokratiyelishish yolida ishlengen xizmetler, keng dairilik islahat heriketliri we qanun-nizamlarni tonushturushni öz ichige alghan «oxshash térrotériyelerde oxshimighan étiqad mepkuriliri bilen tinchliq ichide birlikte yashash we ortaq chüshinish  hasil qilish», hemde «birleshken döletler teshkilati islahati – xelqara hemkarliqning yéngi usuli» namliq kitablirini hediye qilghan.

ötken yili birleshken döletler teshkilati omumiy kéngishi üchün teyyarlanghan we türkiyening b d t islahati toghrisidiki qarashliri otturigha qoyulghan «birleshken döletler teshkilati islahati – xelqara hemkarliqning yéngi usuli» namliq kitab, «b d t ni néme üchün islah qilish kérek?», «xelqaraliq tinchliq jehettin birleshken döletler teshkilatining ehmiyiti, tinchliq saqlash qisimliri we insaniye dunyasi duch kéliwatqan mesililer», «birleshken döletler teshkilatida islahat élip bérishning sewebliri we tewsiyeliri» din ibaret 3 qisimdin terkib tapidu.

türkiye jumhuriyiti jumhur reislik mehkimisi uchur – alaqe ishliri idarisi bu yilqi birleshken döletler teshkilati omumiy kéngishi yighini üchün teyyarlighan we jumhur reis rejep tayyip erdoghan kirish söz yézip bergen «oxshash térrotériyelerde oxshimighan étiqad mepkuriliri bilen tinchliq ichide birlikte yashash we ortaq chüshinish  hasil qilish» namliq kitab «oxshimighan tillar we shéwilerni ishlitishning aldidiki tosalghularni yoqitish», herqaysi jamaetlerning fondi jemiyetlirining mal-mülükke érishishige qulayliq yaritip bérish», «maarip sistémisini démokratik we köp menbelik sistémigha aylandurush», «oxshimighan din we mezhep guruppilirining medeniyet hoquqlirining dairisini kéngeytish», oxshimighan din we mezhep guruppilirining erkinlik dairisini kéngeytish» témiliridin teshkil tapidu.

kitabta jumhur reis rejep tayyip erdoghanning oxshimighan din we mezhep guruppilirining wekilliri bilen ötküzgen tarixiy uchrishishliri hem bu sahede ishlengen xizmetler waqit tertipi boyiche otturigha qoyulidu.

türkche we inglizche teyyarlanghan bu kitabta jumhur reis rejep tayyip erdoghanning rehberlikide her sahede tashlanghan démokratiyeni ilgiri sürüsh qedemliridin tili, dini we irqi qandaq bolushidin qetiynezer jemiyetning herqaysi qatlamlirining toluq behrimen bolghanliqi tekitlinip mundaq déyilidu: «türkiye tünügünkige oxshashla bügünmu oxshimighan din we mezhep guruppiliri bilen oxshash asman gümbizi astida tinchliq ichide birlikte yashash tirishchanliqi toghrisida her sahede dawamliq konkrét we uzaq mezgillik qedemlerni tashlimaqta, buningdin kéyinmu shundaq qilidu, elwette.»