erdoghan yehudiylarning rosh ashana bayrimini tebriklidi

türkiye awazi radiyosi xewiri: jumhur reis erdoghan türkiyediki yehudiylarning rosh ashana bayrimi munasiwiti bilen élan qilghan bayanatida, türkiyediki yehudiy puqralarning ibraniy kaléndari boyiche yéngi yilining simwoli bolghan rosh ashana bayrimini tebriklep mundaq dédi: «oxshimighan diniy étiqadlar, söygü we xush péil jemiyitimizni béyitidighan amillardur. puqralirimizning medeniyet we eneniliri (örp – adetliri) ning üzlüksiz dawamlishishida muhim rol oynaydighan alahide künler ijtimaiy turmushimizgha téximu hösn qoshmaqta, shundaqla tarixtin buyan izchil dawamliship kéliwatqan dostluqimiz we ittipaqliqimizni kücheytishte türtkilik rol oynimaqta. mana mushu angni chöridigen halda, rosh ashana bayrimining bizning yehudiy puqralirimizni öz ichige alghan barliq yehudiylargha saghlamliq, tinchliq we bext élip kélishige tilekdashmen.»