türkiye b d t ning muqeddes kitablargha munasiwetlik qararini qarshi alidighanliqini bildürdi

türkiye awazi radiyosi xewiri: türkiye jumhuriyiti tashqi ishlar ministirliqi b d t omumiy kéngishining muqeddes kitablargha qaritilghan barliq zorawanliq qilmishlirini xelqara qanungha xilapliq qilish dep békitken qarari toghrisida yazma bayanat élan qilip: «biz b d t omumiy kéngishining 2023- yili 7- ayning 25- künidiki muqeddes kitablargha qaritilghan barliq zorawanliq qilmishlirini xelqara qanungha xilapliq qilghanliq dep qarighan, dölitimizmu awaz qoshqan halda ortaq sunulghan qarar layihesini qobul qilghanliqini qizghin qarshi alimiz» dédi.

qararning yéqindin buyan shiwétsiye, daniye we gollandiyede saqchilarning himayisi astida quran kerimni köydürüsh qilmishlirigha ruxset qilinishidek ishlarning aldini élish jehette muhim ehmiyetke ige ikenlikige isharet qilinghan bayanatta: «xelqara jemiyetning milyardlarche musulmanni biaram qilghan bu xil öchmenlik  jinayitige qarshi keskin heriket qilishi shert» dégen ibarilerge orun bérildi.

bayanatta, türkiyening islam düshmenlikige qarshi turushtiki mesuliyitini dawamliq ada qilidighanliqi tekitlendi.

b d t omumiy kéngishi muqeddes kitablargha qaritilghan zorawanliqni xelqara qanungha xilapliq qilghanliq dep étirap qilish we bu xil qilmishlarni qattiq eyiblesh qarar layihesini 25- iyul maqullighanidi.